Proverbs 18
1A tangtat mite a huaiham hi-a,mantaka kikhensa thu a tokbuai hi.
2 Mihai in theihtelna nuamsa lo a,
ama ngaihsut bek gen leh nuam sa hi. a
3 Gitlohna hong tun ciangin simmawhna in zui-a,
maizumna hong tun ciangin mindaina in zui hi.
4 Mihing kampaute tui thukpi hi-a, b
pilna khuk ahileh lui luanglai ahi hi.
5 Migilote guptuam hoih lo a, c
mawhpengte thutang taansak zong hoih lo hi. d
6 Mihai muk in kitotna tun a,
a kam in sat thuaksak hi. e
7 Mihai kam ama siatna hi-a,
a hinna adingin a mukte thang ahi hi. f
8 Mi gensiate kampau an lim mahmah tawh kibang a,
mihing sungtawng ah tumsuk pah hi. g
9 A nasep sem nuamlopa,
a susiapa sanggam ahi hi. h
10 TOPA’ min pen tausang muanhuai hi-a; i
thumaante in beelin galmuang uh hi. j
11 Mihaute hauhna amau kulh muanhuai nei khuapi hi-a; k
kuama kal zawh loh kulhin ngaihsun uh hi.
12 Mihing lungsim kisiat ma-in kiphatsakna masa a,
pahtawina ma-in kiniamkhiatna masa hi. l
13 Ngai nai lopi-a dawng kik pa
ama haina le maizumna ahi hi. m
14 Mihing lungsim in a cinatna thuak zo napi,
lungsim kitamzan kua in thuak zo ding hiam? n
15 Thu theikak mi lungsim in theihna ngah a;
mipilte bil in theihna a zongkhia hi. o
16 Letsong in a piapa lampi hong a, p
miliante kiang a tun hi.
17 A thulangpa mai pai-in a kidot masiah
thu sung masa pen amaan tawh kibang hi.
18 Ai teelna in kitotna vengsak a,
kilangneih-luatnate beisak hi.
19 Kulha ki-um khuapi lak sangin sanggam kinuak lep haksazaw a, q
a kitotnate uh a kikalhcip khuapi kongkhakte tawh kibang hi.
20 Mi, ama kampau gah panin gilvah a;
a muka a genna panin a tai hi. r
21 Leii in nuntakna le sihna vang nei a, s
a leii it mi in a leii gah ne ding hi. t
22 Zi a mu mi, na hoih mu hi-a, u
TOPA’ angvanna ngah ahi hi. v
23 Mizawngte in lainat nadingin thum uh a,
mihaupa in kamkhauhin a dawng hi.
24 Kithuahpih tampi a neite kisia thei a,
ahi hangin sanggam sangin a kicianzaw lawm a om hi. w
Copyright information for
ZomZIV